अखिल नेपाल फुटबल संघ (एन्फा) को फुटसल कमिटीले आयोजना गर्ने फुटसल ‘ए’ डिभिजन लिग आगामी वैशाख २५ देखि जेठ १५ सम्म पोखरामा हुने भएको छ ।
एन्फाले सोमबार विज्ञप्ति निकाल्दै लिगका बारेमा जनकारी गराएको हो । १० टिमको सहभागिता रहने लिगमा बागमती प्रदेशबाट ४, प्रदेश–१ र गण्डकी प्रदेशबाट समान २–२, प्रदेश–२ र लुम्बिनी, कर्णाली र सुदूरपश्चिम प्रदेशको संयुक्त छनोटबाट समान १–१ टोली रहने छन् ।
लिगका लागि प्रदेश–१ को छनोट इटहरीमा चैत १ देखि ५ गतेसम्म हुनेछ । प्रदेश–२ को छनोट हेटौंडामा चैत ८ देखि १२ गतेसम्म हुनेछ । लुम्बिनी, कर्णाली र सुदूरपश्चिम प्रदेशको संयुक्त छनोट दाङमा चैत १९ देखि २३ गतेसम्म हुनेछ ।
बागमती प्रदेशको छनोट काठमाडौंमा चैत २५ देखि ३० गतेसम्म र गण्डकी प्रदेशको छनोट पोखरामा वैशाख ३ देखि ७ गतेसम्म सञ्चालन हुनेछ ।
एन्फाले लिग तयारीका लागि सहभागी हुने सबै टोलीलाई १–१ लाख उपलब्ध गराउनेछ ।
लिग विजेताले १० लाख, उपविजेताले ५ लाख प्राप्त गर्दा विधागत रूपमा उत्कृष्ट हुनेले जनही २५–२५ हजार पाउनेछन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
