नाबालक छोरालाई छाडेर श्रीमती भागेको भन्दै छोरालाई पिँठ्युमा बोकेर ठेला चलाउँदै हिँडेपछि सामाजिक सञ्जालमा भाइरल भएका अर्जुन विक बलात्कार आरोपमा पक्राउ परेका छन् ।
कैलालीको घोडाघोडी नगरपालिका–२ साँडेपानीका २४ वर्षीय छित्ता भन्ने अर्जुन विक (कामी) अपहरण शरीर बन्धक तथा जबरजस्ती करणी मुद्दामा काठमाडौंको तीनकुनेबाट पक्राउ परेका हुन् ।
इलाका प्रहरी कार्यालय भजनीबाट खटिएको प्रहरी टोलीले उनलाई गत माघ ८ गते काठमाडौंबाट पक्राउ गरिएको जानकारी दिएको छ ।
विकले भजनी नगरपालिका वडा नं ४ बाट १३ वर्षकी किशोरीलाई अपहरण गरी काठमाडौं महानगरपालिका–१० देवीनगरस्थित डेरामा ल्याएको र गत साउन १५ गतेसम्म डेरामै राखेर उनी फरार भएको प्रहरीको भनाइ छ ।
बन्द कोठामा डर, धाकधम्की दिई जबरजस्ती करणीसमेत गरेको भन्दै पीडित किशोरीले गत साउन ३० गते प्रहरीमा उजुरी दिएकी थिइन् । सोही उजुरीका आधारमा उनलाई पक्राउ गरिएको प्रहरीको भनाइ छ ।
‘उनलाई पक्राउ गरी जिप्रका ल्याई कैलाली जिल्ला अदालतबाट सोही मुद्दामा म्याद थप गरी आवश्यक अनुसन्धान कार्य भइरहेको प्रहरीले जानकारी दिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
