नेकपा दाहाल-नेपाल समूहकी नेतृ रामकुमारी झाँक्रीले सरकारले आफूलाई राजनीतिक प्रतिशोध साँध्न पक्राउ गरेको बताएकी छन्। महानगरीय प्रहरी अपराध अनुसन्धान महाशाखामा पाँच घण्टासम्म बसेपछि रिहा भएकी उनले यस्तो बताएकी हुन्।
'सरकारले राजनीतिक प्रतिशोध साँध्ने गरी प्रहरीलाई दबाब दिएर समात्न लगाएको रहेछ', उनले भनिन्, 'प्रतिगमनविरुद्धको आन्दोलनलाई उत्कर्षमा पुर्याउन जुटिरहेका बेला राजनीतिक रुपमा ह्यारासमेन्ट गर्न मलाई समातिएको रहेछ।'
उनले अब प्रधानमन्त्री खड्गप्रसाद शर्मा ओलीको प्रतिगामी कदमलाई प्रतिनिधिसभा पुन:स्थापना गरेर घुँडा टेकाउने बताइन्। 'हामी प्रतिगमनको अन्तिम धक्का लाउँदैछौँ। जब तानाशाह ढल्दै गर्छ, त्यसले राज्यशक्तिको दुरुयोग गरेर अग्ला अग्ला शालिक ठड्याउँछ', उनले भनिन्, 'आज केपी ओलीका भजनमण्डलीले जे गरिरहेका छन्, त्यसलाई हामी हराउनेछौँ। हामी जित्दैछौँ। संसद पुन:स्थापनापछि हामी संविधानलाई सही ट्र्याकमा लाने छौँ, राजनीतिक अस्थिरता त भयो तर पनि हामी सही बाटोमा जानेछौँ।'
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
