सरकारले भारतबाट खरिद गरेको कोरोना खोपको १० लाख डोज नेपाल आइपुगेको छ । नेपाल सरकारले सेरम इन्स्टिच्युट अफ इन्डियाले अक्स्फोर्डसँगको सहकार्यमा भारतमा उत्पादन गरेको कोभिशिल्ड खोप २० लाख डोज खरिद गर्न लागेको हो ।
सोही २० लाख खोपमध्ये आइतबार दिउँसो १० लाख डोज खोप नेपाल आइपुगेको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले जानकारी दिए ।
सहप्रवक्ता अधिकारीका अनुसार आइतबार एयर इन्डिया दिल्ली काठमाडौंको उडानमार्फत् खोप नेपाल आइपुगेको हो ।
उक्त खोप विमानस्थलबाट उक्त टेकुस्थित कोल्ड रुममा भण्डारण गर्ने र फागुन २३ गतेदेखि सञ्चालन हुने खोप अभियानका देशभरका खोप केन्द्रहरुमा पुर्याउने तयारी गरिएको छ ।
यसअघि भारत सरकारले अनुदानमा १० लाख डोज कोरोना खोप दिएको थियो । उक्त खोप गत माघ ८ गते नेपाल आएको थियो । त्यसपछि माघ १४ गते बाट देशभर खोप अभियान सुरु गरिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।