फेब्रुअरी २४ विश्व क्रिकेटका लागि विशेष दिन हो किनकि यही दिन विश्वका दुई उत्कृष्ट खेलाडीले एकदिवसीय अन्तर्राष्ट्रियमा आफ्नो दोहोरो अर्धशतक प्रहार गरेका थिए । ती खेलाडी हुन् भारतका सचिन तेन्दुल्कर र वेस्ट इन्डिजका क्रिस गेल ।
आजभन्दा ठिक ११ वर्षअघि अर्थात् सन् २०१० फेब्रुअरी २४ मा दिन विश्व क्रिकेटमा महान् खेलाडी सचिन तेन्दुल्करले पुरुष एकदिवसीय अन्तर्राष्ट्रियमा पहिलो दोहोरो शतक प्रहार गरेका थिए । उनले दक्षिण अफ्रिकाविरुद्ध १४७ बलमा २०० रन प्रहार गरेका हुन् ।
सचिनले पुरुष एकदिवसीय अन्तर्राष्ट्रियमा पहिलो दोहोरो शतक प्रहार गरेको पाँच वर्षपछि सन् २०१५ फेब्रुअरी २४ मा विश्व क्रिकेटका अर्का चर्चित खेलाडी क्रिस गेलले जिम्बाबेविरुद्ध दोहोरो शतक प्रहार गरे । यो खेलमा २१५ रनमा अविजित रहेका गेलले १४७ बलकै सामना गरेका थिए ।
पुरुष एकदिवसीय अन्तर्राष्ट्रियमा हालसम्म आठ दोहोरो शतक प्रहार भएको छ । जसमा रोहित शर्माले ३, सचिन तेन्दुल्कर, वीरेन्द्र सहवाग, क्रिस गेल, मार्टिन गप्टिल र फकर जमानले समान १–१ दोहोरो शतक प्रहार गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
