बलिउड अभिनेता अमिताभ बच्चन बिरामी परेका छन् । उनले आफू बिरामी परेको खबर आफ्ना शुभचिन्तकलाई सामाजिक सञ्जालमार्फत दिएका छन् ।
सामाजिक सञ्जालमार्फत बच्चनले आफ्नो शल्यक्रिया गराउनुपर्ने पनि उल्लेख गरेका छन् । अमिताभले एक ब्लग लेख्दै आफ्नो स्वास्थ्य अवस्था कमजोर रहेको जानकारी दिएका हुन् ।
उनले लेखेका छन्, ‘स्वास्थ्य अवस्था... शल्यक्रिया... केही लेख्न सकिनँ ।’ अपूर्ण वाक्यको यो पोस्ट सार्वजनिक भएसँगै उनका प्रशंसकले स्वास्थ्य लाभको कामना गरेका छन् ।
बच्चनले आफ्नो शल्यक्रिया हुन लागेको अथवा भैसकेको कुरा भने खुलाएका छैनन् । ७८ वर्षीय अमिताभ यसअघि कोरोना संक्रमणका कारण अस्पताल भर्ना भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
