गृहमन्त्री थापाले लगाए कोरोना खोप
फरकधार / २३ फागुन, २०७७

गृहमन्त्री राम बहादुर थापाले कोरोना भाइरसविरुद्धको खोप लगाएका छन् । गृहमन्त्री थापाले सशस्त्र प्रहरी अस्पतालमा कोरोनाविरुद्धको खोप लगाएका हुन् । 



आजदेखि देशभर कोरोनाविरुद्धको दोस्रो चरणको खोप अभियान सुरु भएको छ । दोस्रो चरणको अभियानमा ६ हजार खोप केन्द्रमार्फत खोप सेवा प्रदान गरिने छ । प्रधानमन्त्री केपी शर्मा ओलीले पनि आज खोप लगाउँदैछन् । 



आजदेखि ६५ वर्षमाथिका सबै नागरिकलाई खोप लगाउने मन्त्रालयको तयारी छ । पहिलो चरणको अभियानमा छुटेकाहरुले पनि यो चरणमा ६५ वर्षमाथिका सँगै खोप लगाउन पाउनेछन् । 



दोस्रो चरणमा ५५ वर्षमाथिका नागरिक, शिक्षक, सार्वजनिक यातायातका चालक तथा सहचालक लगायतलाई खोप दिने यसअघि घोषणा गरिएपनि खोपको मात्रा अपुग हुने भएपछि ६५ वर्षमाथिकालाई मात्रै खोप दिन लागिएको हो । 

तर, हिमाली जिल्लाहरुमा भने ५५ वर्ष माथिका सबैलाई यही चरणमा खोप दिइने छ । यसअघि गत माघ १४ गतेदेखि पहिलो चरणको खोप अभियान चलाइएको थियो ।

  • प्रकाशित मिति : फागुन २३, २०७७ आइतबार १०:३१:४३,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
रञ्जित तामाङ
 |  १९ साउन, २०७९
मल्टिमिडिया