इङ्ग्लिस प्रिमियर लिगमा म्यानचेस्टर युनाइटेड र आर्सनल विजयी भएका छन् । गएरातिका खेलमा युनाइटेड र आर्सनल विजयी भएका हुन् ।
लिगमा दोस्रो स्थानमा रहेको युनाइटेडले वेष्टहामलाई १-० गोल अन्तरले पराजित गर्यो । वेष्टहामका क्रायग डसनले ५३औँ मिनेटमा आत्मघाती गोल गरेपछि युनाइटेड विजयी भएको हो ।
BIG 👏 THREE 👏 POINTS 👏
— Manchester United (@ManUtd) March 14, 2021
🔴 #MUFC
#️⃣ #MUNWHU
🏆 #PL@Chevrolet
गएरातिकै अर्को खेलमा आर्सनलले टोटनहमलाई २-१ गोलअन्तरले पराजित गर्यो । घरेलु मैदानमा आर्सनलको जितका लागि मार्टिन ओडेगाडले ४४औँ तथा एलेक्जेन्डर लाकाजेटले ६४औँ मिनेटमा पेनाल्टीमार्फत गोल गर्दै जित दिलाए ।
टोटनहमले सुरुवातमै अग्रता लिएको खेलमा उसका लागि ३३औँ मिनेटमा एरिक लामेलाले गोल गरेका थिए । तर, सुरुवाती अग्रता टोटनहमले जोगाउन सकेन । खेलको ७६औा मिनेटमा लामेलाले रातोकार्ड खाएसँगै टोटनहम पराजित हुन पुग्यो ।
WHAT A WIN! ✊
— Arsenal (@Arsenal) March 14, 2021
🔴 2-1 ⚪️ (FT)#ARSTOT | #NorthLondonDerby
यसअघिको खेलमा लिसेस्टर सिटीले शेफिल्ड युनाइटेडलाई ५-० गोलअन्तरले पारजित गर्यो । लिसेस्टरका लागि केलेची हेनाचोले ह्याट्रिक गरे । उनले ३९, ६९ र ७८औँ मिनेटमा गोल गर्दै ह्याट्रिक पूरा गरे ।
यस्तै, लिसेस्टरका लागि आयोज पेरेजले ६४औँ मिनेटमा गोल गरे । खेलको ८०औँ मिनेटमा शेफिल्डका इथान अम्पाडुले आत्मघाती गोल गरेपछि लिसेस्टरले ५-० को शानदार जित निकाल्यो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
