पहिलो चरणमा कोरोना खोप लगाएका लाई वैशाख दोस्रो साता दोस्रो डोज दिइने
फरकधार / ५ चैत, २०७७

पहिलो चरणमा कोरोनाविरुद्धको खोप लगाएका व्यक्तिहरुले दोस्रो डोजको खोप वैशाख ७ गतेदेखि ११ गतेसम्म लगाउन पाउने भएका छन् । गत माघ १४ गतेदेखि पहिलो चरणमा खोप लगाएका व्यक्तिका लागि दोस्रो डोज लगाउन लागिएको हो । 



स्वास्थ्य तथा जनसंख्या मन्त्रालयले पहिलो चरणको खोप लगाएका व्यक्तिलाई दोस्रो मात्रा आगामी वैशाख ७ देखि ११ गतेसम्म प्रदान गर्ने जनाएको छ । यसका लागि तयारी थालिएको पनि मन्त्रालयले जनाएको छ । 

मन्त्रालयको इन्सिडेन्ट कमाण्ड सिस्टम (आइसिएस)को बैठकले वैशाख ७ देखि ११ गतेसम्म गत माघ १४ गतेदेखि फागुन १० गतेसम्म खोप लगाएका व्यक्तिहरुका लागि दोस्रो मात्राको खोप दिन लागिएको मन्त्रालयले जनाएको छ । 



सरकारले पहिलो चरणको खोप अभियानमा भारत सरकारले अनुदानमा दिएको कोभिशिल्ड खोप लगाएको थियो । पहिलो चरणमा चार लाख २९ हजारले खोप लगाएका थिए ।



मन्त्रालयले दोस्रो चरणमा फागुन २३ गतेदेखि चैत ३ गतेसम्म खोपको पहिलो मात्रा लगाएकालाई दोस्रो मात्रा लगाउने सूचना पछि प्रकाशन गरिने जनाएको छ । दोस्रो चरणअन्तर्गत ६५ वर्षभन्दा माथिका ज्येष्ठ नागरिकलाई खोप प्रदान गरिएको थियो ।

  • प्रकाशित मिति : चैत ५, २०७७ बिहीबार ९:१४:१८,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
रञ्जित तामाङ
 |  १९ साउन, २०७९
मल्टिमिडिया