इङ्ल्यान्डका ब्याट्सम्यान डेविड मलानले टि-२० अन्तर्राष्ट्रिय क्रिकेटमा नयाँ कीर्तिमान कायम गरेका छन् ।
मलान टि-२० अन्तर्राष्ट्रियमा सर्वाधिक छिटो एक हजार रन पूरा गर्ने ब्याट्सम्यान बनेका छन् । शनिबार भारत विरुद्धको पाँचौ तथा अन्तिम खेलमा ६८ रनको पारी खेल्दै उनी टि-२० अन्तर्राष्ट्रियमा सर्वाधिक छिटो एक हजार रन पूरा गर्ने ब्याट्सम्यान बनेका हुन् ।
मलानले मात्र २४ पारीमा यो सफलता हात पारेका हुन् । यसअघि यो कीर्तिमान पाकिस्तानका कप्तान बाबर अजामको नाममा थियो ।
बाबरले २६ पारीमा एक हजार रन पुरा गरेका थिए । भारतका कप्तान विराट कोहलीले २७ पारीमा यो सफलता प्राप्त गरेका थिए ।
मलानले २४ पारीमा १ शतक र १० अर्धशतक सहित १ हजार ३ रन प्रहार गरेका छन् । उनको उत्कृष्ट प्रदर्शन १०३ मा अविजित रहनु हो ।
मलानको उत्कृष्ट प्रदर्शन रहेपनि पाँचौँ खेलमा ३६ रनले पराजित हुँदै इङ्ग्ल्यान्डले सिरिज ३-२ ले गुमाएको थियो । पाँच खेलको टि-२० सिरिजमा मलानले १४८ रन बनाए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
