निजगढ द्रुत मार्गको विषयमा छलफल गर्न संसदीय समितिले नेपाली सेनालाई बोलाएको छ । प्रतिनिधिसभा अन्तर्गतको विकास तथा प्रविधि समितिले द्रुत मार्गको विषयमा छलफल गर्ने भएको हो ।
११ प्रतिशत मात्र प्रगति देखिएको काठमाडौं–तराईमधेस द्रुत मार्गको विषयमा सेना र रक्षा मन्त्रालयका प्रतिनिधिसँग छलफल गर्ने समितिको कार्यसूची छ ।
तत्कालीन प्रधानमन्त्री पुष्पकमल दाहाल प्रचण्ड नेतृत्वको सरकारले वि.सं. २०७४ साल वैशाख २१ गते राजधानीलाई बाराको निजगढसम्म जोड्ने यो द्रुत मार्ग निर्माण व्यवस्थापनको जिम्मेवारी नेपाली सेनालाई दिएको थियो ।
त्यसबेला नै चार वर्षमा काम सक्ने भनिएको भएपनि २०७६ साल भदौमा डिपिआर आएको थियो । त्यसपछि मात्र काम अघि बढेको थियो । परियोजनाको अनुमानित लागत १७५ अर्ब रुपैयाँ रहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
