सहिद स्मारक ‘सी’ डिभिजन लिग अन्तर्गत बुधबारका खेलमा वीरगञ्ज युनाइटेड क्लब र महावीर क्लबले जित दर्ता गरेका छन् ।
सातदोबाटोस्थित एन्फा कमप्लेक्समा भएको दोस्रो खेलमा वीरगन्जले सामाजिक युवा क्लबमाथि १–० को कठिन जित निकालेको हो ।
खेलको ३५ औँ मिनेटमा विवेक चौधरीले पोनाल्टीमार्फत गरेको एक मात्र गोल वीरगन्जलाई ३ अंक दिलाउन पर्याप्त बन्यो ।
सामाजिकका खेलाडीले डिबक्सभित्र आफ्ना खेलाडीलाई लडाएपछि वीरगन्जले पेनाल्टीको अवसर प्राप्त गरेको थियो ।
जितसँगै वीरगञ्जले ३ खेलबाट ७ अंक जोड्दा पराजित सामाजिकको समान खेलबाट ६ अंक छ ।
आजै भएको पहिलो खेलमा महावीर क्लबले सानोगौचरण युथ क्लबलाई २–० ले पराजित गरेको छ ।
महावीरको जितमा शुभम राय र अरुण राज धामीले १–१ गोल गरे ।
प्रतियोगितामा पहिलो जित निकालेको महावीरले ३ खेलबाट ३ अंक जोड्दा सानो गौचरण समान खेलबाट अंकविहीन छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।