सर्वोच्च अदालतले चिकित्सा शिक्षाका लागि प्रवेश परीक्षा दिएका विद्यार्थीहरुको नतिजा योग्यता क्रमको सूची पुनः प्रकाशन गर्न चिकित्सा शिक्षा आयोगलाई अन्तरिम आदेश दिएको छ ।
चिकित्सा शिक्षातर्फका स्नातकोत्तर तहका विद्यार्थीहरुले सर्वोच्चमा रिट दायर गरेका थिए । सोमबार सो रिटमा अदालतले उनीहरुको योग्यता क्रमको सूची पुनः प्रकाशन गर्न आयोगलाई आदेश दिएको हो ।
सर्वोच्चको आदेशमा चिकित्सा शिक्षा नियमावली २०७७ बमोजिम अंक पाउने भए सो बमोजिम उनीहरुलाई अंक दिन समेत आदेश दिएको छ ।
दुर्गम क्षेत्र र अनुभवका आधारमा प्राप्त हुने अंकसमेत प्रदान गरी म्याचिङसम्बन्धी सम्पूर्ण कार्य सम्पन गर्न समेत सर्वोच्चले आदेश दिएको छ । प्रवेश परीक्षा उत्तीर्ण भएका निवेदकलाई उच्च शिक्षाको अवसरबाट वञ्चित गर्दा अपूणीय क्षति हुने सर्वोच्चको ठहर छ ।
दुर्गम क्षेत्रमा काम गरेको झुटो विवरण पेस गरेको भन्दै चिकित्सा शिक्षा आयोगले गोग्यता सूचीका ५२ जनालाई समावेश नगरे पछि उनीहरुले सर्वोच्चमा रिट दायर गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।