सहिद स्मारक ‘सी’ डिभिजन लिग अन्तर्गत बुधबारका खेलमा चर्च ब्बाइज युनाइटेड क्लब र झापा फुटबल क्लबले जित दर्ता गरेका छन् ।
सातदोबाटोस्थित एन्फा कमप्लेक्समा भएको दोस्रो खेलमा झापाले महावीर क्लबमाथि १-० को कठिन जित निकालेको हो ।
खेलको ४५ औं मिनेटमा प्रमोद चौधरीले गरेको एक मात्र गोल झापालाई ३ अंक दिलाउन पर्याप्त बन्यो ।
जितसँगै झापाले ५ खेलबाट ९ अंक जोड्दा पराजित महावीरको समान खेलबाट ४ अंक संगालेको छ ।
आजै भएको पहिलो खेलमा चर्च ब्वाइज युनाइटेडले वीरगन्ज युनाइटेडलाई ३-१ ले पराजित गरेको छ ।
चर्च ब्वाइजका लागि सोम थापाले २ र आशिष चौधरीले १ गोल गर्दा वीरगन्जका सागर थारूले एक गोल फर्काए ।
जितसँगै चर्च ब्वाइजले ५ खेलबाट १३ अंक जोड्दा पराजित वीरगन्जको समान खेलबाट १० अंक छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।