माओवादी केन्द्रका अध्यक्ष पुष्पकमल दाहालले जनता समाजवादी पार्टीका अध्यक्ष महन्थ ठाकुरलाई प्रधानमन्त्री केपी शर्मा ओलीसँग धेरै नटाँसिन आग्रह गरेका छन् ।
कपिलवस्तुको तौलिहवामा शनिबार आयोजित प्रशिक्षण कार्यक्रममा दाहालले आफूहरूसँग नयाँ सरकारमा जान ठाकुरलाई आग्रह गरे ।
दाहालले भने, ‘केपी ओली मधेसी र मुस्लिमका हकअधिकार दिन चाहँदैनन्, त्यही भएर महन्थ ठाकुरलाई नयाँ मोर्चामा सामेल हुन सुझाएको हुँ ।’
सरकार गठनका लागि नयाँ परिस्थिति बनेको र यसबारे घनीभूत छलफल सुरु भएको उल्लेख गर्दै उनले सम्भवतः छिट्टै नयाँ सरकार बन्ने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
