बलिउडका अभिनेताद्वय अक्षयकुमार र गोविन्दालाई आइतबार कोरोना संक्रमण पुष्टि भएको छ । यी दुई चर्चित अभिनेतासँगै बलिउडका दर्जानभन्दा कलाकारलाई कोरोना संक्रमण भएको छ ।
भारतमा कोरोना महामारीको दोस्रो लहर तीव्र हुँदै गर्दा बलिउडका चर्चित कलाकार पनि एकपछि अर्का संक्रमणको चपेटामा परिरहेका छन्।
भारतीय सञ्चारमाध्यमका अनुसार पछिल्लो लहरमा अक्षय कुमार र गोविन्दासँगै आमिर खान, आलिया भट्ट, आर माधवन, परेश रावल, कार्तिक आर्यन, रणवीर कपुर, सञ्जयलीला भन्साली, सिद्धान्त चतुर्वेदी, बप्पी लहरी, सतीश कौशिकलगायतलाई कोरोना संक्रमण पुष्टि भएको छ ।
कोरोना महामारीको पहिलो लहरमा अभिनेता अमितभ बच्चनको परिवारै संक्रमित बनेको थियो । अभिषेक बच्च्न ऐश्वर्या राय र उनीहरुकी छोरी आर्या कोरोना संक्रमित भएका थिए । अन्य थुप्रै कलाकार अघिल्लो लहरमा संक्रमित भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
