नेपालसहित २० जनामाथि थप कारबाही, अन्तिम चेतावनीसहित स्पष्टीकरण माग
फरकधार / ६ बैशाख, २०७८

एमाले महाधिवेशन आयोजक कमिटीको सोमबार बालुवाटारमा बसेको बैठकले माधव नेपालसहितका केन्द्रका चार निलम्बित नेता तथा प्रकाश ज्वालालगायत कर्णाली प्रदेशमा फ्लोर क्रस गर्ने ५ जनालाई अन्तिम चेतावनीसहितको स्पष्टीकरण सोध्ने निर्णय गरेको छ ।

बैठकले प्रकाश ज्वालासहितका सांसद र ‘फ्लोर क्रस’ गर्न लगाउने थप २० जनालाई २ दिनको समयसीमासहित अन्तिम स्पष्टीकरण सोध्ने निर्णय गरेको हो । 

नेताहरु भीम रावल, घनश्याम भुसाल, सुरेन्द्र पाण्डे, प्रकाश ज्वालासहित ५ जना नेताहरुलाई अन्तिम चेतावनीपूर्वक स्पष्टीकरण सोध्ने एमालेले निर्णय गरेको एक केन्द्रीय सदस्यले जानकारी दिए । उनीहरूले चित्तबुझ्दो स्पष्टीकरण नदिएमा १० गतेको बैठकले कारवाही गर्ने बताइएको छ ।
 
कानुनबमोजिम मनासिव माफीको सफाइ पेस गर्ने मौका दिनका लागि २ दिनको अन्तिम चेतावनीसहितको स्पष्टीकरण मागिएको एक नेताले बताए । त्यसपछि माधव नेपालसहितका नेताहरूमाथि थप कडा कारबाही हुने अध्यक्ष ओलीले बताए ।





  • प्रकाशित मिति : बैशाख ६, २०७८ साेमबार १६:४६:३९,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया