पछिल्लो समय कोरोनाभाइरस (कोभिड १९)का कारण बिरामी पर्नेहरुको संख्या बढ्दो छ । केही दिन यता भारतमा कोरोनाका कारण अक्सिजन हाहाकार भएको छ ।
नेपालमा पनि त्यस्तै अवस्था देखिँदै छ । नेपालका विभिन्न अस्पतालहरुले आफ्नो अस्पतालमा अक्सिजन सकिएको बताउन थालेका छन् ।
कोरोनाभाइरसले मानिसको फोक्सोमा आक्रमण गर्ने भएकाले सबैभन्दा बढी समस्या फोक्सोमा वा मानिसलाई सासप्रश्वासमा हुने गरेको वैज्ञानिक अध्ययनहरुमा पाइएको छ ।
त्यसैले अहिले विभिन्न देशबाट आइरहेका तस्वीरहरुमा मानिसहरु भेन्टिलेटरमा बसेको देख्न सकिन्छ । भेन्टिलेटरमा मानिसहरु बसेको देख्दा र अक्सिजन लिइरहँदा बिरामीहरुलाई चिकित्सकले विशेष पोजिसनमा सुताइरहेको देखिन्छ ।
आखिर किन यस्तो हुन्छ ?
‘किनकि पेटलाई आड दिएर सुत्दा फोक्सोमा भएको समस्यालाई कम गर्न सहयोग गर्छ,’ बिबिसीमा प्रकाशित एक समाचारमा उल्लेख गरिएको छ, ‘यसले बिरामीलाई अक्सिजन लिन वा श्वास फेर्न सहज बनाउँछ ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
