सर्वोच्च अदालतले नेपाल–भारत सीमाका तोकिएका नाकाबाट विनापरिचयपत्र आउजाउ गर्न नदिन सरकारलाई आदेश दिएको छ।
अधिवक्ताहरु चन्द्रकान्त ज्ञवाली, विमल ज्ञवाली, लीलाधर उपाध्याय, शशिकुमार कार्की र सीमाविद् बुद्धिनारायण श्रेष्ठले ०७३ सालमा दायर गरेको रिटमा सर्वोच्च अदालतले आइतबार यस्तो परमादेश जारी गरेको हो।
सर्वोच्च अदालतका न्यायाधीशद्वय प्रकाशमानसिंह राउत र पुरुषोत्तम भण्डारीको इजलासले नेपाल–भारत सीमा नियमन र व्यवस्थापन गर्न सरकारका नाममा आदेश माग्दै दायर रिटमा सुनुवाइ गरी त्यस्तो आदेश दिएको हो।
रिट निवेदकले हवाई मार्गबाट आउजाउ गर्ने व्यक्तिहरुलाई जस्तै स्थलमार्गबाट आउजाउ गर्नेहरुका लागि पनि अनिवार्य परिचयपत्र बोक्ने र सीमा वारपारको अभिलेख राख्ने व्यवस्था गर्न माग गरेका थिए ।
उनीहरुले सीमा क्षेत्रबाट पाँच किलोमिटरको दूरीमा बसोबास गर्ने सीमाञ्चलका जनताका लागि भने दैनिक रुपमा जतिसुकै पटक आउजाउ गर्न मिल्ने विशेष प्रकारको परिचयपत्र दिन समेत माग गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।