कप्तान लियोनेल मेस्सीले २ गोल गरेपछि स्पेनिस ला लिगा फुटबलमा बार्सिलोनाले महत्वपूर्ण जित निकालेको छ ।
ला लिगा अन्तर्गत गएराति भएको खेलमा बार्सिलोनाले भ्यालेन्सियालाई ३–२ गोल अन्तरले पराजित गरेको हो । भ्यालेन्सियाको मैदानमा सुरुवाती अग्रता उल्टाएर बार्सिलोनाले जित निकालेको हो ।
भ्यालेन्सियालाई उसकै घरमा पराजित गर्ने क्रममा बार्सिलोनाका लागि मेस्सीले २ तथा एन्टोइन ग्रिजम्यानले १ गोल गरे । भ्यालेन्सियाका गाब्रियल पौलिस्टा र कार्लोस सोलेरले एक एक गोल फर्काए ।
खेलमा पहिलो हाफ गोलरहित बराबरीमा सकिएको थियो । तर, ५०औँ मिनेटमा गाब्रियलको गोलबाट भ्यालेन्सियाले अग्रता बनायो । त्यसलगत्तै ५७औँ मिनेटमा मेस्सीले गोल गर्दै खेल १–१ को बराबरीमा ल्याए ।
त्यसअघि पाएको पेनाल्टीमा मेस्सी गोल गर्नबाट चुकेका थिए । तर, सोही पेनाल्टी बल भ्यालेन्सियाका डिफेन्डरले क्लियर गर्न नसक्दा मेस्सीले गोल गरे ।
खेलको ६३औँ मिनेटमा ग्रिजम्यानले गोल गर्दै बार्सिलोनालाई २–१ को अग्रता दिलाए । खेलको ६९औँ मिनेटमा मेस्सीले फ्रिकिकबाट गोल गर्दै बार्सिलोनालाई ३–१ को अग्रता दिलाए ।
खेलको ८३औँ मिनेटमा घरेलु टोलीका कार्लोसले एक गोल फर्काए पनि बार्सिलोना ३–२ ले विजयी भयो । जितसँगै बार्सिलोनाले ३४ खेलबाट ७४ अंक जोडेको छ । बार्सिलोना तेस्रो स्थानमा रहेको छ ।
७६ अंकसहित अंक तालिकाको शीर्ष स्थानमा एट्लेटिको मड्रिड रहेको छ । बार्सासँग समान अंक भएको रियल मड्रिड दोस्रो स्थानमा रहेको छ । भ्यालेन्सिया ३६ अंक जोडेर ला लिगा टेबलको १४औँ स्थानमा रहेको छ ।
❗❗ ¡¡FINAAAAAL EN MESTALLA!!
— FC Barcelona (@FCBarcelona_es) May 2, 2021
2⃣ Valencia (Gabriel Paulista, Carlos Soler)
3⃣ Barça (Messi x2, Griezmann)#ForçaBarça 🔴🔵 pic.twitter.com/BP3T5TJDdp
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
