जिल्ला प्रहरी कार्यालय धनुषाको हिरासत कक्षमा रहेका ५ जना कैदीबन्दीमा कोरोना संक्रमण पुष्टि भएको छ ।
हिरासत कक्षमा रहेका कारागार पठाउनुपर्ने ७ जनामध्ये ५ जना कैदीबन्दीमा कोरोना संक्रमण पुष्टि भएको जिल्ला प्रहरी कार्यालय धनुषाका प्रमुख प्रहरी उपरीक्षक प्रकाश रानाभाटले जानकारी दिए ।
उनले भने, ‘कारागार पठाउनुपर्ने बन्दी मध्येका ७ जनाको स्वाब संकलन गरी प्रादेशिक ल्याबमा गरिएको पिसिआर परीक्षणमा ५ जनामा कोरोना संक्रमण पुष्टि भएको छ ।’ संक्रमितहरु २२ देखि ४० वर्ष उमेर समूहको रहेको उनले बताए ।
संक्रमित कैदीबन्दीका लागि जिल्ला प्रहरी कार्यालयभित्रै अलग आइसोलेसन कक्षको व्यवस्था गरिएको एसपी रानाभाटले जानकारी दिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
