वैशाख १६ गते गण्डकी प्रदेशको युवा तथा खेलकुद मन्त्रीमा नियुक्त भएका राजीव गुरुङ (दीपक मनाङे) को मन्त्री पद १० दिनमै सकिएको छ । मन्त्री भएलगत्तै उनले यो सरकार दुई साता पनि नटिक्ने दाबी गरेका थिए ।
गण्डकी प्रदेशका मुख्यमन्त्री पृथ्वी सुब्बा गुरुङको राजीनामासँगै १० अगाडि मन्त्रीमा नियुक्त भएका मनाङेको मन्त्री पद खुस्किएको हो । मुख्यमन्त्री गुरुङले सामाजिक विकास मन्त्रालय टुक्रयाएर मनाङेलाई खेलकुद मन्त्री बनाएका थिए ।
सोमबार आफूविरुद्ध अविश्वास प्रस्तावमा मतदान हुने भएपछि मुख्यमन्त्री गुरुङले अघिल्लो दिन नै राजीनामा दिएका छन् ।
मनाङेले आफू दुई साता मात्रै मन्त्री रहने निश्चित रहेको र छोटो समयमा सिस्टम बसालेर छाड्ने बताएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।