प्यालेस्टाइनको गाजामा इजरायली सेनाको हवाइ कारबाहीमा परी कम्तीमा ३६ जनाको निधन भएको छ । सेनाले गरेको बम प्रहारबाट उनीहरुको ज्यान गएको हो ।
हमास विद्रोहीको कब्जामा रहेको गाजामा इजरायली सेनाले बुधबार बिहानैदेखि हवाइ कारबाही गरेको थियो । जसमा परी गाजामा ३६ जनाको निधन भएको समाचार संस्था रोयटर्सले लेखेको छ ।
इजरायली सेना र हमास विद्रोही समूहबीच वर्षकै सबैभन्दा ठूलो बमबारी भएको समाचारमा उल्लेख गरिएको छ । गाजाबाट विद्रोही समूह हमासले इजरायलको तेल अभिभमा चरणबद्ध रुपमा रकेट प्रहार गरेर विस्फोट गराएपछि इजरायली सेनाले हमासको आधार क्षेत्र गाजामा एयर स्ट्राइक गरेको हो ।
Acre tonight عكا #AlAqsa #Palestine pic.twitter.com/ScpdHYpGll
— Abier Khatib (@abierkhatib) May 11, 2021
सेनाको बामबारीका क्रममा बुधबार बिहानै सेनाले १ सयभन्दा बढी पटक हवाई आक्रमण गरेको थियो । जस क्रममा ३६ जनाको ज्यान गएको हो । बमबारीमा परेर ज्यान गुमाउनेमा १० जना बालबालिका पनि रहेका समाचारमा उल्लेख छ ।
दुवै तर्फको हमलामा परेर २५० जनाभन्दा बढी घाइते भएका छन् । इजरायली क्षेत्रमा पनि हमासको आक्रमणबाट कम्तीमा ६ जनाको ज्यान गएको बताइएको छ ।
ثلاثون ثانية من الجنون 💔#GazaUnderAttack pic.twitter.com/jzpL6DjJiA
— Omar El Qattaa 𓂆 🇵🇸 Sniper 📸 (@OmarElQattaa) May 12, 2021
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
