नेपाल सुपर लिग अन्तर्गत बुधबार भएको एलिमिनेटर राउन्डमा ललितपुर सिटी एफसी विजयी भएको छ ।
उसले त्रिपुरेश्वरस्थित दशरथ रंगशालामा बुटवल लुम्बिनी एफसी माथि १-० को कठिन जित हात पारेको हो ।
खेलको ६१ औँ मिनेटमा कप्तान अञ्जन विष्टले गरेको एक मात्र गोल ललितपुरलाई जित दिलाउन पर्याप्त बन्यो । उनले मिक्छेन तामाङको क्रसमा हेड मार्फत उत्कृष्ट गोल गरेका थिए ।
पराजित बुटवल प्रतियोगिताबाट बाहिरिँदा जित हात पारेको ललितपुरले बिहीबार काठमाडौं रेजर्स एफसीसँग दोस्रो क्वालिफायर खेल्नेछ ।
दोस्रो क्वालिफायरको विजेताले उपाधिका लागि शनिबार धनगढी एफसीको सामना गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
