इङ्ग्लिस प्रिमियर लिग फुटबलमा म्यानचेस्टर युनाइटेड घरेलु मैदानमा बराबरीमा रोकिएको छ । युनाइटेड फुलहमसँग बराबरीमा रोकिएको हो ।
गएराति भएको खेलमा युनाइटेडले घरेलु मैदानमा फुलहमसँग १–१ गोलको बराबरीमा खेल्यो । सुरुवाती अग्रता जोगाउन नसक्दा युनाइटेडले अंक बाँडेको छ ।
ओल्ड ट्राफोर्डमा १५औँ मिनेटमा एडिन्सन काभानीले गोल गर्दै युनाइटेडलाई अग्रता दिलाएका थिए । तर, खेलको ७६औँ मिनेटमा जोई ब्रायनले गोल गर्दै फुलहमलाई १–१ गोलको बराबरीमा फर्काए ।
फुलहमसँगको बराबरीसँगै युनाइटेडले ३७ खेलबाट ७१ अंक जोडेको छ । युनाइटेड अंक तालिकाको दोस्रो स्थानमा यथावत रहेको छ ।
फुलहम २८ अंक जोडेर १८औँ स्थानमा रहेको छ । फुलहम यसअघि नै रेलिगेसनमा परिसकेको छ । अर्को खेलमा लिड्सले साउथह्याम्पटनलाई २–० ले हराएको छ । लिड्सको जितमा प्याट्रिक बामफोर्ड र टेलर रोबर्ट्सले एक एक गोल गरे ।
⚖️ The points are shared in our final home game of the season.
— Manchester United (@ManUtd) May 18, 2021
🔴 #MUFC | #️⃣ #MUNFUL
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।