लमजुङको भुलभुलेलाई केन्द्रबिन्दु बनाएर फेरि भुकम्पको धक्का महसुस भएको छ । अहिले बिहान ८ बजेर २६ मिनेटमा पुनः धक्का महसुस गरिएको हो ।
राष्ट्रिय भूकम्प मापन केन्द्रका अनुसार अहिले ५.३ म्याग्निच्युडको धक्का मापन गरिएको छ ।
यसअघि आज बिहानै लमजुङलाई केन्द्रबिन्दु बनाएर बुधबार बिहानै गएको भूकम्पबाट देशका विभिन्न भागमा धक्का महसुस भएको थियो ।
राष्ट्रिय भूकम्प मापन केन्द्रका प्रमुख लोकविजय अधिकारीका अनुसार बुधबार बिहान ५ बजेर ४२ मिनेट जाँदा लमजुङको भुलभुले क्षेत्र केन्द्रबिन्दु बनाएर ५.८ म्याग्निच्युडको भूकम्प गएको हो ।
यो भूकम्पको धक्का पूर्वी नेपालसम्म महसुस भएको छ । भूकम्पले लमजुङ, गोरखा, तनहुँ, कास्की, धादिङ र काठमाडौं उपत्यकामा पनि महसुस भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
