प्रदेश १ मा कोरोना संक्रमणबाट पछिल्लो २४ घण्टामा २१ जनाको मृत्यु भएको छ ।
सामाजिक विकास मन्त्रालयको तथ्यांक अनुसार प्रदेशमा आज ९ जना महिला र १२ पुरुषको मृत्यु भएको हो ।
मोरङमा ७, झापामा ६, सुनसरीमा ५, उदयपुरमा १ र अन्यमा २ जनाको मृत्यु भएको मन्त्रालयको तथ्यांकमा छ ।
आजसम्म कोरोना संक्रमणका कारण प्रदेश १ मा मर्नेको संख्या २०५ महिला र ५०० पुरुष गरी ७०५ पुगेको छ ।
यसैगरी प्रदेश १ म आज १ हजार २९८ जना कोरोना संक्रमित थपिएका छन् । दैनिक संक्रमितको संख्यामा यो अहिले सम्मकै उच्च हो ।
मोरङमा ४८१, झापामा ३३८, सुनसरीमा १६९, धनकुटामा ८७, ताप्लेजुङमा ८३, खोटाङमा २९, पाँचथरमा १६, संखुवासभामा १४, इलाममा १२, भोजपुरमा ७, उदयपुरमा ४, ओखलढुङ्गा र तेह्रथुममा १-१ र प्रदेश १ बाहिरका ५६ जनामा संक्रमण देखिएको सामाजिक विकास मन्त्रालयले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
