नेपाली कांग्रेसका प्रवक्ता विश्वप्रकाश शर्माले प्रधानमन्त्री केपी शर्मा ओलीले प्रमुख प्रतिपक्षमाथि गरेको टिप्पणीले अचम्म लागेको बताएका छन् । शर्माले सामाजिक सञ्जालमार्फत यस्तो बताएका हुन् ।
कांग्रेस पनि प्रचण्डपथमा हिँडेछ भन्ने प्रधानमन्त्री ओलीको टिप्पणीले आफूलाई अचम्म लागेको शर्माले बताएका छन् । उनले भनेका छन्, 'ताज्जुब लाग्छ, तपाईंकै शैलीमा मलाई अचम्म लाग्छ !'
शर्माले ओली आफैँले हिजो प्रचण्डसँग पार्टी एकता गरेको भन्दै अहिले कांग्रेसलाई गरेको टिप्पणी देख्दा अचम्म लागेको बताए । ओलीले प्रचण्डसँग पार्टी एकता गर्वका साथ गरेको उनले स्मरण गराए ।
आफू मिल्दा गौरव गर्ने ओलीले अहिले मुद्दामा प्रचण्डसँग मिल्दा यस्तो टिप्पणी गर्नुले अचम्म लागेको शर्माले बताए । उनले लेखेका छन्, 'सौ चुहे खा के बिल्लि चलि हज को भन्ने कहावत यहाँ कै लागि रहेछ नि ।'
ताज्जुब लाग्छ, तपाईंकै शैलीमा मलाई अचम्म लाग्छ ! हिजो प्रचण्डसंग पार्टीकै `एकता´ निकै गौरवसंग गर्नुभएको थियो l आज मुद्दामा मात्रै कांग्रेसको कुरा @cmprachanda संग मिल्दा,
— Bishwa Prakash शर्मा (@bishwaprakash77) May 24, 2021
ए ~ प्रचण्डपथमा पो लाग्यो ?
`सौ चुहे खा के बिल्लि चलि हज को´ भन्ने कहावत यहाँकै लागि रहेछ नि @Pm_Nepal !
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
