नेकपा एमालेका नेता तथा पूर्वमन्त्री गोकुलप्रसाद बाँस्कोटाले प्रमुख प्रतिपक्ष नेपाली कांग्रेसले लोकतन्त्रको गीत गाउने हक गुमाएको बताएका छन् । संसदीय राजनीतिमा निर्दलीयताको पक्षपोषण गरेकोले कांग्रेसले हक गुमाएको बाँस्कोटाको भनाइ छ ।
बाँस्कोटाले सामाजिक सञ्जालमार्फत लोकतन्त्र र संसदीय व्यवस्थाको हिमायती भनिएको कांग्रेसले निर्दलीयताको पक्षपोषण गरेकाले अब कांग्रेसले आफूलाई लोकतन्त्रवादी भनेर लोकतन्त्रको गीत गाउने हक गुमाएको बताए ।
दलीय व्यवस्थाको वकालत गर्ने कांग्रेसले अहिले एमालेको सांसद चोर्न थालेको आरोप नि बाँस्कोटाले लगाए । उनले प्रश्न गरेका छन्, 'एमालेको घरमा काङ्ग्रेसले डकैती हानेर धनमाल लाने, उल्टै ती मेरै हुन भन्ने ?'
संविधानको धारा ७६ को ५ ले स्पष्ट रुपमा दुई वा दुईभन्दा बढी दलकै समर्थन खोजेको बाँस्कोटाको भनाइ छ । उनले लेखेका छन्, 'सांसदहरुको स्वतन्त्र समर्थनलाई अस्वीकार गरेको छ । २ र ५ जोडेर हेरौँ न ।'
एमालेको घरमा काङ्ग्रेसले डकैती हानेर धनमाल लाने उल्टै ती मेरै हुन भन्ने? काङ्ग्रेसले निर्दलीयताकको पक्षपोषण गरेकोले लोकतन्त्रको गीत गाउने हक गुमायो।७६को ५ले स्पष्ट रुपमा दुई वा दुईभन्दा बढी दलकै समर्थन खोजेको छ सांसदहरुको स्वतन्त्र समर्थनलाई अस्विकार गरेको छ।२ र ५ जोडेर हेरौ न ।
— Gokul Prasad Baskota (@GokulPBaskota) May 27, 2021
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।