युनिभर्सल बोस क्रिस गेलले क्यारेबियन प्रिमियर लिग खेल्ने भएका छन् । वेस्ट इन्डिजका स्टार ब्याट्सम्यान क्रिस गेलले यस वर्षको सिपिएल टि–ट्वान्टी क्रिकेट खेल्ने भएका हुन् ।
गेलले सेन्ट किट्स एण्ड नेभिस प्याट्रिओट्सबाट सिपिएल खेल्न लागेका हुन् । प्याट्रिओट्सले बिहीबार गेलले यस सिजन आफ्नो टिमबाट खेल्ने घोषणा गरेको छ ।
व्यक्तिगत कारण देखाएर ४१ वर्षीय बिस्फोटक ब्याट्सम्यान गेलले गत सिजन सिपिएल खेलेका थिएनन् । २०२१ को सिपिएल क्रिकेट अगस्ट २८ बाट सुरु हुँदैछ ।
सिपिएल क्रिकेट प्रतियोगितामा कुल ३३ खेल हुनेछन् । नेपाली राष्ट्रिय टोलीका स्पिनर सन्दीप लामिछानेले यस पटक ट्रिनबागो नाइट राइडर्सबाट सिपिएल खेल्दैछन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।