विश्व फुटबलको सर्वोच्च निकाय फिफाले कोरोना महामारीपछि ल्याएको ५ खेलाडी परिवर्तन गर्न पाउने नियमको अवधि बढाएको छ ।
अब सन् २०२२ को डिसेम्बर ३१ सम्म ५ खेलाडी परिवर्तन गर्न पाइने छ ।
फिफाले सन् २०१९ मा कोरोना महामारीका कारण फुटबल रोकिएर पुनः सञ्चालनमा आएपछि यो नियम लागू गरेको हो ।
नियमअनुसार कुनै पनि टिमले एक खेलमा ५ खेलाडी परिवर्तन गर्न पाउने छ तर त्यो ३ पटकमा गरिसक्नु पर्नेछ । कोरोनाअघि ३ खेलाडी मात्र परिवर्तन पाइन्थ्यो ।
फुटबलको नियम नियन्त्रण गर्ने निकाय अन्तर्राष्ट्रिय फुटबल एसोसिएसन बोर्ड (आइएफएबी) ले खेलाडीको सुरक्षालाई ध्यानमा राख्दै ५ खेलाडी परिवर्तन गर्न पाउने नियम फिफा समक्ष पेस गरेको थियो ।
फिफाले सन् २०२० को डिसेम्बर ३१ सम्मका लागि यो नियम लागू गर्न स्वीकृति दिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
