नेपाली कांग्रेसका नेता तथा पूर्वसांसद हरिभक्त अधिकारीको निधन भएको छ । लमजुङ निवासी अधिकारीको उपचारको क्रममा मनमोहन मेमोरियल अस्पतालमा निधन भएको हो ।
अधिकारी नेपाली कांग्रेस लमजुङका पूर्वसभापति हुन् । उनी संविधानसभा सदस्य रहेका थिए ।
अधिकारी लामो समयदेखि मधुमेह, उच्च रक्तचापलगायत रोगबाट ग्रसित थिए । दीर्घरोगी रहेका अधिकारी जेठ २८ गते अस्पताल भर्ना भएका थिए ।
कोरोना संक्रमण पुष्टि भएपछि अधिकारीलाई मनमोहन मेमोरियल अस्पताल स्वयम्भूमा उपचारका लागि लगिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।