कोरोनाको हटस्पट बनेको भारतमा पछिल्लो समय मृतकको संख्या घट्दै गइरहेको छ । पछिल्लो २४ घण्टामा भारतमा कोरोना संक्रमणबाट थप १ हजार ४११ जनाको ज्यान गएको छ ।
हालसम्म भारतमा कोरोना संक्रमणबाट मृत्यु हुनेको संख्या ३ लाख ३१ हजारभन्दा धेरै रहेका छन् । मृत्यु हुनेको संख्यामा भारत अमेरिका र ब्राजिलपछि तेस्रो स्थानमा आउँछ ।
यसैगरी पछिल्लो २४ घण्टामा ६७ हजार २९४ जनामा संक्रमण पुष्टि भएको छ । यससँगै भारतमा संक्रमण हुनेको संख्या २ करोड ९६ लाखभन्दा बढी रहेका छन् ।
कोरोना संक्रमितमध्ये २ करोड ८२ लाखभन्दा धेरै संक्रमणमुक्त भएका छन् भने ८ लाखभन्दा धेरै संक्रिय संक्रमित रहेको भारतीय स्वास्थ्य मन्त्रालयले जनाएको छ ।
जोन्स होपकिङ युनिभर्सिटीका अनुसार विश्वभर हालसम्म भाइरसबाट १७ करोड ६७ लाखभन्दा धेरै संक्रमित भइसकेका छन् भने ३८ लाख २४ हजारभन्दा धेरैले ज्यान गुमाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।