इटालीका भेट्रान गोलरक्षक जियानलुइजी बुफन २ दशकपछि पार्मा फर्किएका छन् । उनी युभेन्टसको बसाइलाई अन्त्य गर्दै पुरानै क्लब फर्किएका हुन् ।
बुफनले सन् १९९५ मा पार्माबाटै व्यावसायिक करियर सुरु गरेका थिए । उनी सन् २००१ मा युभेन्टस पुगे ।
बुफनले सन् २०१८/१९ मा एक सिजन लागि फ्रेन्च क्लब पेरिस सेन्ट जर्मन ( पिएसजी) बाट खेले । सन् २०१९ मा टुरिन फर्किएका उनले यही सिजन क्लबसँगको सम्झतौता अन्त्य गरेका हुन् ।
४३ वर्षीय बुफनले पार्मा दोस्रो डिभिजनमा घटुवा भए पनि करियरको अन्त्य सोही क्लबाट गर्ने निर्णय लिएका छन् ।
गत सिजन दोस्रो डिभिजनमा घटुवा भएको पार्माले सामाजिक सञ्जाल ट्विटर मार्फत् बुफन पुरानै क्लब फर्किएको पुष्टि गरेको हो ।
बुफनले कीर्तिमानी ६५७ सिरी ‘ए’ खेलमा ३२२ क्लिन सिट राखेका छन् ।
गत सिजन युभेन्टका लागि मात्र १४ खेल खेल्न पाएका बुफनले क्लबका लागि १० सिरि ‘ए’, १ दोस्रो डिभिजन सिरी ‘बी’, ४ कोपा इटालिया र ६ सुपर कोपा इटालिया उपाधि हात परे ।
उनले पार्माका लागि समान १-१ कोपा इटालिया, सुपर कोपा इटालिया र युइएफए कप जितेका छन् ।
बुफनले पिएसजीका लागि १-१ लिग वान र फ्रेन्च सुपर कपको उपाधि जितेका छन् । सन् २००६ को विश्वकप विजेता उनले इटालीका लागि १७६ खेल खेलेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
