यसअघि १ असारमा आएको बाढीले तहसनहस बनाएको मेलम्ची क्षेत्रमा फेरि बाढी उर्लिएर आएको छ । मेलम्ची नदीमा शुक्रबार राति फेरि बाढी उर्लिएको हो ।
यो यसअघिको भन्दा ठूलो बाढी भएको बताइएको छ ।
शुक्रबार राति साढे ८ बजेपछि मेलम्ची नदीमा झन् ठूलो बाढी आएको बताइएको छ । आज आएको बाढीले एउटा झोलुंगे पुल बगाएको अनुमान गरिएको छ ।
आजको बाढीले थप कति क्षति गरेको छ भन्ने विवरण आइसकेको छैन । तर, यसअघिको बाढीमा नै नदी किनारका सबैलाई सुरक्षित ठाउँमा सारिएकाले मानवीय क्षति नहुने अनुमान गरिएको छ । यसअघि नदी छेउमा भएका घरहरुमा भने फेरि क्षति पुग्न सक्ने अनुमान गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।