इटहरी उप महानगरले आगामी आर्थिक वर्षका लागि २ अर्ब १७ करोड ४५ लाखको बजेट ल्याएको छ ।
इटहरी उप महानगरका उप मेयर लक्ष्मी गौतमले संघीय समानीकरण अनुदान ३३ करोड ६५ लाख, संघीय सशर्त अनुदान ४३ करोड ७० लाख, संघीय समपूरक अनुदान २ करोड २९ लाख रुपैयाँ रहने अनुमान गरिएको बजेटमा प्रस्तुत गरेकी हुन् ।
यस्तै संघीय विशेष अनुदान ३ करोड ४२ लाख रुपैयाँ प्रदेश समानीकरण अनुदान १ करोड ९९ लाख रुपैयाँ र प्रदेश सशर्त अनुदान १ करोड ६७ लाख रहने अनुमान गरिएको छ ।
प्रदेश समपूरक अनुदान १ करोड संघीय राजस्व बाँडफाँट १५ करोड १६ लाख रुपैयाँ प्रदेश राजस्व बाँडफाँड (सवारी कर) २ करोड ३७ लाख रुपैयाँ अनुमान गरिएको छ ।
यस्तै प्रदेश राजस्व बाँडफाँड मालपोत रजिस्ट्रेसन ३२ करोड आन्तरिक स्रोतबाट ४१ करोड, मर्मत सम्भार कोषबाट १ करोड २० लाख, धरौटी खाता सापटी ४ करोड, ऋण प्राप्त गर्ने ५ करोड नगद मौज्दात परिवर्तन (अ.ल.पा) बाट २९ करोड नगद मौज्दात गरिने अनुमान सहितको बजेट प्रस्तुत भएको छ ।
उप महानगरले समग्र स्वास्थ्य क्षेत्रका लागि ४ करोड विनियोजन गरेको छ । यो रकम चालु आवभन्दा १ करोड ५० लाख रुपैयाँ बढी हो । शिक्षा क्षेत्रका लागि २ करोड रुपैयाँ कृषि तथा पशु सेवाका लागि २ करोड ५० लाख विनियोजन गरिएको छ । सामाजिक विकास क्षेत्रको शीर्षकमा ३ करोड, वातावरणका लागि १ करोड विनियोजन भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
