पोखराकी १६ वर्षे किशोरीलाई जबर्जस्ती करणी गरेको कसुरमा एक व्यक्ति पक्राउ परेका छन् । पक्राउ पर्नेमा बिहार प्रदेशका स्थायी बासिन्दा इन्द्रजितकुमार शर्मा छन् ।
पोखरा ९ स्थित शान्तिवन बस्दै आएका उनलाई कास्की प्रहरीले बिहीबर पक्राउ गरेको हो । जिल्ला प्रहरी कार्यालय कास्कीका अनुसार उनीमाथि किशोरीलाई विभिन्न प्रलोभनमा पारी डर, धाकधम्की दिई जर्बजस्ती करणी गरेको अभियोग छ ।
किशोरीलाई जबर्जस्ती करणी गरी गोप्य रुपमा भिडियो बनाएर अभियुक्तले किशोरीकै नक्कली फेसबुक आइडी बनाएर अपलोड गरेको जाहेरीपछि उनी पक्राउ परेका हुन्।
पोखराको चाउथेबाट पक्राउ परेका शर्माविरुद्ध जबर्जस्ती करणी कसुरमा जिल्ला अदालत कास्कीबाट १० दिनको म्याद थप गरी अनुसन्धान प्रक्रिया अगाडि बढाइएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
