प्रधानमन्त्री तथा नेकपा एमाले अध्यक्ष केपी शर्मा ओलीले आज बोलाएको बैठकलाई पुरानै प्रोडक्टको संज्ञा दिएकी छिन् रामकुमारी झाँक्रीले ।
आज स्थायी कमिटी सदस्यहरु थप्दै ओली समूहको बैठकले केही दिनमा नै एमालेको केन्द्रीय कमिटी बैठक बोलाएको छ । आज (बुधबार) प्रधानमन्त्री निवास बालुवाटारमा आयोजित दशौँ महाधिवेशन आयोजक कमिटीको बैठकमा प्रधानमन्त्री ओलीले आफूहरुले राम्रो काम गरेको दाबी गरेका थिए ।
तर, यो बैठकलाई सामाजिक सन्जाल फेसबुकमा पुरानै प्रोडक्टमा नयाँ र्यापर मात्र लगाएको झाँक्रीले दाबी गरेकी छिन् ।
‘कस्टमर झुक्किनु पर्ने नै छैन,’ उनले फेसबुकमा लेखेकी छिन्, ‘भ्रममा नपरौँ आजको ओली गुटको बैठक निर्णय २०७७ फागुन २८ को निर्णयको नाम मात्र फेरेको हो ।’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।