बलिउडका दिग्गज कलाकार नसीरुद्दिन शाह अस्पताल भर्ना भएका छन् । शाह मंगलबार मुम्बईस्थित हिन्दुजा अस्पतालमा भर्ना भएका हुन् ।
७० वर्षीय शाहको फोक्सोमा निमोनिया देखिएपछि अस्पताल भर्ना गरिएको उनका म्यानेजरले जानकारी दिएका छन् । म्यानेजरका अनुसार अहिले उनको स्वास्थ्यमा सुधार आएको छ ।
तीन पटक राष्ट्रिय पुरस्कार जितेका शाहले पछिल्लो पटक विवेक अग्नीहोत्रीको ‘द ताश्कन्द फाईलस्’, सीमा पाहवाको ‘रामप्रसाद कि तेहरवी’, र जी ५ को ‘मी रक्सम’ मा अभिनय गरेका थिए ।
भारतीय चलचित्रमा गरेको योगदानका लागि भारत सरकारले उनलाई पद्मश्री र पद्मभूषणबाट पनि सम्मान गरिसकेको छ ।
सन् १९७५ मा रिलिज भएको फिल्म ‘निशान्त’ बाट उनले बलिउडमा प्रवेश गरेका थिए । हालसम्म उनले सयभन्दा धेरै फिल्ममा अभिनय गरिसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।