प्रतिनिधिसभा विघटनविरुद्ध परेका रिटमा सर्वाेच्च अदालतको संवैधानिक इजलासमा बहस सुनुवाइ जारी छ । सोमबारबाट रिट निवेदनको विपक्षमा सरकारको तर्फबाट प्रतिरक्षा बहस चलिरहेको छ ।
आज सुरुमा सरकारको पक्षमा पूर्व महान्यायाधिवक्ता अग्नि खरेलले बहस गरिरहेका छन् । सरकार बुधबारको बहस सकिँदा रिट निवेदनको विपक्षमा बहस गर्ने समय साढे ४ घण्टा बाँकी थियो ।
रिट निवेदनको विपक्षमा हुने बहस आज सकिने सम्भावना छ । यसअघिका प्रायजसो करिब ४ घण्टा बहस भइरहेकाले छ। आज बहसको समय केही लम्बिएमा सरकार पक्षको बहस सकिने सम्भावना छ ।
बुधबार तीन सह महान्याधिवक्ता र तीन निजी कानुन व्यवसायीले सरकारको पक्षमा बहस गरेका थिए ।
सरकार पक्षले प्रतिरक्षा बहसका लागि ७ घण्टा ३० मिनेट सरकारी वकिलबाट र ७ घण्टा ३० निजी वकिलबाट बहस गर्ने गरी समय भागवण्डा गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।