जाजरकोटको कुशे हिमाल पाटनमा कुहिरो लाग्दा कम्तिमा १८३ भेडा चोरी भएका छन् । पाटनमा चराउन लगिएका भेडा गएको बुधबार चोरी भएका हुन् ।
विकट क्षेत्रमा फोन, इन्टरनेट नचल्ने भएका कारण किन र कसले चोरेर लगेको हो भन्ने कुरा खुल्न नसकेको जिल्ला प्रहरी कार्यालय जाजरकोटले जानकारी दिएको छ ।
चोरी भएका भेडा हालसम्म पत्ता लगाउन नसकिएको पीडित कुसे गाउँपालिका–५ ढिमेका रणजङ्ग शाहले बताए । शाहका मात्रै १४३ वटा भेडा चोरी भएका छन् ।
यस्तै, सोही वडाका परिमल सार्कीका १० र कुशे–९ कफल्नका दुर्गा बहादुर रोकायका ७ ओटा भेडा चोरी भएको शाहले बताए ।
यो संख्या मोटामोटी मात्रै भएको भएपनि कुल संख्या यकिन नभएको शाहको भनाइ छ । शाहले भेडा भेटाउन सहयोग गर्नेलाई उचित पुरस्कारको व्यवस्था गर्ने समेत बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
