नेपाल विद्यार्थी संघले घण्टाघरसँगै रहेको त्रिचन्द्र क्याम्पसअगाडि प्रधानमन्त्री केपी शर्मा ओलीको पुत्ला समेत जलाएको छ।
प्रतिनिधिसभा विघटनिवरुद्धआन्दोलनमा उत्रेको नेविसंघले सरकारविरुद्ध आन्दोलन जारी राखेको छ । सो क्रममा संघले आइतबार मसाल जुलुस निकालेको हो ।
प्रधानमन्त्रीको कदमविरुद्ध नेविसंघलगायत विपक्षी पाँच दल निकट विद्यार्थी संगठनले देशभर आन्दोलनमा उत्रिएका छन् ।
आइतबारको प्रदर्शनका क्रममा प्रहरीले हस्तक्षेप गरेर आगो निभाएको थियो ।
वर्तमान सरकारले जनताको न्यूनतम आधारभूत आवश्यकता पूरा गर्न नसकेको, महँगी बढाएको भन्दै विद्यार्थीले आन्दोलन गरेका हुन् ।
विरोधमा उत्रिएका १५ जना नेविसंघका कार्यकर्तालाई प्रहरीले नियन्त्रणमा लिएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
