सर्वोच्च अदालतले राष्ट्रपति कार्यालयलाई नेपाली कांग्रेसका सभापति शेरबहादुर देउवालाई प्रधानमन्त्रीमा नियुक्त गर्न परमादेश जारी गरेपछि राजनीतिक वृत्तमा नयाँ तरंग देखिएको छ ।
अदालतको यो निर्णय आएसँगै नेकपा एमालेका नेताहरुले आफूहरु अदालतको यो निर्णयबाट आश्चर्यचकित भएको बताउन थालेका छन् ।
यही विषयमा कुरा गर्न हामीले नेकपा एमालेका नेता खगराज अधिकारीलाई सम्पर्क गरेका थियौँ ।
‘देशको राजनीतिमा अदालत छिर्नु ठिक होइन,’ उनले भने, ‘संसारको कुनै पनि ठाउँमा अदालतले प्रधानमन्त्री नियुक्त गर्ने भन्ने हुँदैन । हाम्रो देशमा अदालतले प्रधानमन्त्री नियुक्त गरेर असंवैधानिक काम गरेको छ ।’
अधिकारीले अदालतले प्रधानमन्त्री नियुक्त गर्नु न संविधानमा भएको न अन्यत्र कतै भएको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
