सर्वोच्च अदालतले नेपाली कांग्रेसका सभापति शेरबहादुर देउवालाई प्रधानमन्त्रीमा नियुक्त गर्न परमादेश जारी गरेपछि आज साँझ उनले प्रधानमन्त्रीका रुपमा सपथ लिँदैछन् ।
यहीबीच सरकारमा कोकसलाई सहभागी गराउने भन्ने विषयमा छलफल गर्न देउवाले पदाधिकारी बैठक बोलाएका छन् ।
नेपाली कांग्रेसबाट सरकारमा डा. मीनेन्द्र रिजाल र ज्ञानेन्द्र कार्की सहभागी हुने सम्भावना बढी भएको बताइएको छ । यहीबीच कांग्रेसका महामन्त्री डा. शशांक कोइरालाले आफूले स्वास्थ्य मन्त्रालयको जिम्मेवारी सम्हाल्न चाहेको इच्छा व्यक्त गरेका छन् ।
मंगलबार पदाधिकारी बैठकमा सहभागी हुन देउवा निवास पुगेका कोइरालाले सर्वोच्च अदालतको फैसलाले लोकतन्त्रको रक्षा गरेको पनि बताएका छन् ।
कोइरालाले स्वास्थ्य मन्त्रालयको जिम्मेवारी सम्हालेमा यसअघि चर्चामा रहेका गगन थापा यसपटकको मन्त्रिपरिषदमा सहभागी नहुन सक्ने सम्भावना बढेको बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
