बझाङमा पाँच वर्षीया बालिका बलात्कार गरेको आरोपमा ६१ वर्षीय वृद्ध पक्राउ परेका छन्।
बालिका बलात्कार गरेको आरोपमा जिल्लाको जयपृथ्वी नगरपालिका-७ का ६१ वर्षीया जगदीश जोशीलाई पक्राउ गरिएको जिल्ला प्रहरी कार्यालय बझाङका प्रहरी नायब उपरीक्षक रुपक खड्काले जानकारी दिए ।
प्रहरीका अनुसार असार १८ गते घरमा कोही नभएको मौका छोपेर बालिकालाई मिठाइँ दिन्छु भन्दै फकाएर आफ्नै कोठामा लगेर बलात्कार गरेको बुझिएको छ ।
बालिकालाई जबरजस्ती करणी गरेको भन्दै आफन्तले जिल्ला प्रहरी कार्यालय बझाङमा उजुरी दिएपछि असार २७ गते आइतबार जोशीलाई प्रहरीले पक्राउ गरेको हाे ।
आइतबार पक्राउ परेका जोशीमाथि जबरजस्ती करणीको मुद्धा दर्ता गरी घटनाको बारे थप अनुसन्धान भइरहेको जिल्ला प्रहरी कार्यालय बझाङका प्रमुख प्रहरी नायब उपरीक्षक रुपक खड्काले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।