आइतबार राति इङ्ग्ल्यान्डलाई हराउँदै इटालीले १६ औँ संस्करणको युरो कप उपाधि उचाल्यो । उपाधि हात पारेसँगै इटालीको अपराजित यात्रा ३४ खेलसम्म पुगेको छ ।
इटालीले उपाधि उचाल्दा मात्र ४ गोल बेहोर्यो । सन् २०१८ सेप्टेम्बर १० मा युइएफए नेसन्स लिग अन्तर्गत पोर्चुगलसँग १–० ले पराजित भए यता इटालीले हार बेहोरेको छैन ।
रोबर्टो मान्सिनीको प्रशिक्षणमा रहेको इटाली लामो समयसम्म अपराजित रहने कीर्तिमानसँग बराबरी गर्न मात्र १ खेल पछाडि छ । यसअघि, ब्राजिल र स्पेनले मात्र ३५ खेलसम्मको अपराजित यात्रा तय गरेका छन् ।
इटालीले आगामी सेप्टेम्बर ३ मा विश्वकप छनोट अन्तर्गतको खेलमा बुल्गेरियाको सामना गर्दैछ । यदि यो खेलमा उसले जित हात पारे ब्राजिल र स्पेनको कीर्तिमानसँग बराबरी गर्नेछ ।
यी हुन् विश्व फुटबलमा लामो समयसम्म अपराजित रहने टोली
ब्राजिल–३५ खेल (सन्१९९३–१९९६)
स्पेन–३५ खेल (सन्२००७–२००९)
इटाली–३४ खेल (सन्२०१८–हालसम्म )
अर्जेन्टिना–३१ खेल (सन् १९९१–१९९३)
इटाली–३० खेल (सन् १९३५–१९३९)
फ्रान्स–३० खेल (सन् १९९४–१९९६)
अल्जेरिया–२७ खेल (सन् २०१८–हालसम्म)
पश्चिम जर्मनी–२३ खेल (सन् १९७८–१९८१)
फ्रान्स–२३ खेल (सन् २०१०–२०१२)
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।