घरेलु टोली वेस्ट इन्डिजविरुद्ध ३ खेलको एक दिवसीय सिरिज अन्तर्गत तेस्रो तथा अन्तिम खेलमा अस्ट्रेलिया विजयी भएको छ । उसले मंगलबार बिहान भएको खेलमा ६ विकेटको सहज जित दर्ता गरेको हो ।
यो जितसँगै अस्ट्रेलियाले सिरिजमाथि २-१ ले कब्जा जमाएको छ ।
वेस्ट इन्डिजले दिएको दिएको १५३ रनको सामान्य लक्ष्य अस्ट्रेलियाले ३०.३ ओभरमा ५ विकेट गुमाउँदै पूरा गर्याे । उसका लागि म्याथ्यु वेड अर्धशतकीय पारी खेले ।
५२ बलको सामना गरेका वेड ५ चौका र २ छक्काको मद्दतले ५१ रनमा अविजित रहे ।
कप्तान एलेक्स केरीले ३५, मिचेल मार्शले २९ रनको योगदान दिँदा एस्टोन अगर १९ रनमा अविजित रहे ।
वेस्ट इन्डिजका अकिल हुसेन, अल्जारी जोशेफ, सेल्डोन कोट्रेल र हाइडेन वाल्सले समान १-१ विकेट लिए ।
यसअघि ब्रिजटाउनमा टस जितेर ब्याटिङ रोजेको वेस्ट इन्डिजले ४५.१ ओभरमा सबै विकेट गुमाउँदै १५२ रनको मध्यम योगफल तयार पारेको थियो ।
इभिन लुइसले अर्धशतकीय पारी खेल पनि अन्य ब्याट्सम्यानको राम्रो साथ पउन सकेनन् ।
५५ रनमा अविजित रहेका उनले ६६ बलमा ५ चौका र ३ छक्का प्रहार गरे । डारेन ब्राभोले १८, अल्जारी जोशेफले १५ र साई होपले १४ रन जोडे ।
अस्ट्रेलियाका मिचेल स्टार्चले ३, जोस हेजलउड, एस्टोन अगर र एडम जम्पाले समान २-२ विकेट हात पार्दा एस्टोन टर्नरले १ विकेट लिए ।
पहिलो खेलमा १३३ रनको सानदार जित दर्ता गरेको अस्ट्रेलिया दोस्रो खेलमा ४ विकेटले पराजित भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।