नेकपा एमालेका नेता सूर्य थापाले वरिष्ठ नेता माधवकुमार नेपाल समूहले आज बोलाएको केन्द्रीय कमिटी बैठक गोरुजात्रा भएको बताएका छन् ।
थापाले सामाजिक सञ्जालमार्फत नेपाल गुटको बैठक गाइजात्रा पनि नभएर गोरुजात्रा भएको बताएका हुन् । उनले नेपाल समूहले आफ्नै रटानविरुद्ध गारुजात्रामा उत्रिएको बताए ।
थापाले संविधान, कानुन, विधि, पद्धति र विधानको रट लगाएर नथाक्ने नेताले नै पार्टीको विधानविपरीत केन्द्रीय कमिटीको भन्दै गुटको बैठक राखेकाले गोरुजात्रा भएको ठोकुवा गरेका छन् ।
थापा लेख्छन्, ‘माधव कु. नेपालको विधि, पद्दतिको रटानविपरीत यसो गर्न किमार्थ मिल्दैन। खासमा यसो गर्नु गाईजात्रा नभएर गोरूजात्रा नै हुन्छ ।’
पार्टीको बैठकमा नआउने? गुटकाे भेलालाई बैठक नै भनेर हल्ला गर्ने?
— Surya Thapa (@ThapajiSurya) August 5, 2021
संविधान,कानुन,विधान,विधि र पद्धतिअन्तर्गत त यस्ताे अनधिकृत र गैरकानुनी कार्य गर्न पाइदैन।अझ माधव कु.नेपालकाे विधि,पद्दतिकाे रटानविपरीत यसाे गर्न किमार्थ मिल्दैन।खासमा यसाे गर्नु गाइजात्रा नभएर गाेरूजात्रा नै हुन्छ! pic.twitter.com/ADGIwcCIBl
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।