अमेरिकी गठबन्धनको सेना बाहिरिएसँगै अफगानिस्तानमा कट्टर इस्लामिक संगठन तालिबानले तीब्र रुपमा प्रभाव विस्तार गरेको छ ।
आइतबार मात्रै तालिबानले तीन प्रान्तीय राजधानी कब्जा गरेको छ । तालिबान लडाकुले आइतबार अफगानिस्तानको कुन्दुज, सर–ए–पुल र तालेक्वान सहरलाई आफ्नो नियन्त्रणमा लिएका हुन् ।
यससँगै तालिबानले अहिलेसम्म देशका ५ वटा प्रान्तीय राजधानीमा कब्जा गर्न सफल भएका छन् । यसअघि शनिबार तालिबानले उत्तरी क्षेत्रको जोजन राज्यको राजधानी शबरगान र शुक्रबार दक्षिण पश्चिमी प्रान्त निमरोजको राजधानी जारान्ज कब्जामा लिएको थियो ।
अमेरिकी गठबन्धनको सेना रहँदा तालिबान समूह ग्रामिण इलाकामा खुम्चिएको थियो । तालिबानले अहिलेको सरकार हटेर सर्व पक्षीय सरकार बनेमा मात्रै हतियार बिसाउने अडान लिँदै आएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
