नवलपरासीमा माेटरसाइकलकाे ठक्करबाट प्रहरी निरीक्षककाे मृत्यु भएकाे छ।
जिल्लाकाे बर्दघाटमा साेमबार बेलुका ९ बजे लु १४ प ८७५८ नम्बरकाे माेटरसाइकलले ठक्कर दिँदा प्रहरी निरीक्षक कपिल वाग्लेकाे मृत्यु भएकाे हाे ।
दुर्घटनामा परी गम्भीर घाइते भएका वाग्लेलाई उपचारका लागि तत्कालै भैरहवा मेडिकल कलेज लगिएकाे थियाे । उपचारकै क्रममा गएराति ११ बजे उनकाे मृत्यु भएकाे जिल्ला प्रहरी कार्यालय पश्चिम नवलपरासीले जनाएकाे छ ।
प्रहरीका अनुसार पैदल हिँडिरहेका बेलामा इन्स्पेक्टर वाग्लेलाई माेटरसाइकलले ठक्कर दिएकाे थियाे ।
काठमाडाैं बसुन्धारा घर भएका वाग्ले इलाका प्रहरी कार्यालय बर्दघाटमा कार्यरत थिए ।
उनलाई ठक्कर दिने माेटरचालक सुनवल नगरपालिका-१ का दीपेन्द्र पुन पनि गम्भीर घाइते भएका छन् । उनकाे अहिले उपचार चलिरहेकाे प्रहरीले जनाएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।